椋名凜（Rin）對中國農曆新年十分好奇，不明白為何情人節當天才是農曆新年伊始：「初時我以為中國同日本嘅新年一樣喺二月份，以為好似日本習俗一樣，喺2月3日嗰日會扔大豆趕走鬼怪！後來才知是兩回事。」

望財色兼收

新的一年人人都想事事順利零是非，所以她也一試中國傳統的打小人，當看到神婆唸唸有詞地化衣紙，並拿着鞋不斷拍打「小人紙」時，感到新奇又吃驚，但她拒絕按神婆要求寫下小人的名字：「我都唔知佢講乜，所以有啲驚，喺日本都有類似打小人嘅習俗，將釘釘在一個公仔上。我寫唔出小人嘅名，因為我根本冇小人要打，只希望新一年順利冇是非。」

Rin有次遇上葉梁美蘭得知過年買桃花能增人緣，想有愛情大可圍繞桃花走一圈，故Rin看見桃花即時走了多個圈：「希望財色兼收，賺大錢外找到個有錢男朋友。」面頰較前瘦削、鼻子看似更高更直的Rin，惹來疑似整容之嫌，她說因最近請了私人教練做gym，每日飲菜湯減肥已瘦了七、八磅，面頰瘦了連上圍也少少縮水：「好在都維持E cup，我妹妹同我一樣減肥，由H cup減到變G cup！（祝其他女仔同樣升cup成功？）哈，女仔唔可以咁膚淺以胸部為主，應該賺多啲搵個如意郎君！」

椋名凜拿着鞋子有樣學樣打小人。

椋名凜對打小人習俗感到很新奇。