名模周汶錡（Kathy）早前到北京為時裝雜誌拍最新春夏時裝照，雖然早已做好心理準備，還帶定暖水袋拍攝，但在寒風下衣衫單薄拍硬照，搞到面起雞皮、腳趾僵硬，十分難頂，鏡頭前雖然笑容滿面，其實有苦自知！
Kathy說：「拍攝當日氣溫得攝氏零度，我全程攬住個暖水袋唔放，影時都唔想除件大褸，好彩當日有陽光，影咗大半日，畀風吹到塊面起晒雞皮，腳趾都硬晒，啲風係咁吹入心口，都唔識點形容。」
如此辛苦酬勞也不會高一點，Kathy說幸而拍得開心，大功告成之後即刻去食街邊小食及食餐勁。
