產後首次行時裝騷的陳慧琳（Kelly），與進軍鐘錶界的黃伊汶，同樣擁有一雙長腿，昨日她們為香港時裝周在天橋上同台較量一番。Kelly事後更透露自己望生女，實行湊夠一個「好」字。

昨日本地時裝設計師鄧達智（William）與美籍意大利設計師MARC CAIN的同名時裝品牌聯手舉行時裝騷，兩場時裝騷均分別由混血名模Rosemary打頭陣，及由名模馬詩慧行壓軸，其他客席模特兒還有黃伊汶和陳淑蘭。

產後首次行騷

兩場時裝騷結束後，工作人員突然搬出一個新的布景板，此時陳慧琳（Kelly）以特別嘉賓身份，穿上一襲MARC CAIN的黑啡色短裙和紫色外套出場，並與鄧達智握手及錫面，甚有名模風範。

Kelly說未生BB前已為該品牌行騷，昨日是她產後首次行騷，她說：「做咗媽咪都可以靚靚地着短裙，呢條裙係William幫我揀嘅，（有冇興趣同蝦餃仔一齊行騷？）驚老公反對，想佢做啲man啲嘅嘢，（有冇人搵你哋母子上陣拍廣告？）有人問，但自己唔想佢拍嘢咁辛苦，而且暫時都唔想佢咁高曝光率，狗仔隊影到就影。近排擔心豬流感，等佢抵抗力好啲先帶出街。（生女？）我都想，有先得，但虎女趕唔切，等我抖抖先，我心裏面梗係急啦，但要養番個人肥少少紅潤啲，要等個傷口埋番。」

Kelly甫出場即與鄧達智握手及錫面。	鄧達智	Rosemary為時裝騷打頭陣。

專注鐘錶生意

而黃伊汶笑言其中一條裙似一條璀璨的水母，不過由於裙身太短，故在台上不慎露黑底，她說已帶定不同顏色的打底褲，又透露自己為保養長腿花了不少工夫。黃伊汶雖然喜歡行騷，但無意進軍模界，現在希望做好鐘錶生意。

文：名人組