Shure入耳式耳機出晒名，近期更推出一系列三款耳筒，開闢新市場。新耳筒定位專業路線，難得價錢都幾相宜，就算最高檔的SRH840，售價仲平過中檔入耳式耳機SE310唔少，想兜住雙耳保暖兼聽靚聲，值得諗諗。

SRH840錄音室啱用

SRH840傾向專業市場，官方更話符合錄音室的需要。耳筒內藏40mm釹磁鐵動圈式單元，加上專業調音，動態範圍夠闊，高、中、低音表現出色；而且全密封包耳式設計更能隔絕大部分雜音。細位設計都一樣貼心，符合人體工學的耳機頭架，即使長時間佩戴都唔覺得唔舒服；其折疊式設計亦易於收藏外帶使用；另隨機附送多一對耳墊以便更換。SRH840阻抗都唔細，一般MP3機未必推得起，必要時可加入耳筒擴音機。

提供轉插，方便接駁不同影音器材使用。	耳墊為耳筒最易耗損部分，SRH840跟機提供多一對以備更換。	SRH440產品設計跟SRH840相似，同配可調節式頭架、折疊式設計以及旋轉卡扣式耳筒線插口，至於音質方面就略比SRH840低，價錢平一半，一般用家都消費得起。售價：$780 靈敏度：105dB/mW 音頻反應：10~22,000Hz

撰文：布偉倫　攝影：盧展程、郭凱敏

查詢電話：2154 2154