名媛羅穎怡前晚出席香港崇德二社呈獻「萬花筒」畫展，即場以1萬元購買一幅水晶畫。

她說：「我細個有學過畫畫，中一、二嗰時學過三年水彩畫，原本係媽咪叫我學，慢慢自己愈學愈鍾意，嗰時我多數畫蓮花同山水畫，但依家就冇學。（你有好多作品？）都幾多，我真係好鍾意藝術創作，除咗油畫，我仲會自製首飾。」

仍然單身的她，笑言因工作關係要經常飛，故未有時間拍拖，但就承認有追求者，透露仍在觀察階段，希望明年有拖拍。