昨日，任達華（Simon）以代言人身份出席金孚汽車陳列室開幕活動，獲廿四孝老婆琦琦陪同到場，兩人表現恩愛，Simon更透露有意送過百萬名車給琦琦，給對方一個驚喜。不過，Simon因打算讓老婆親自揀車，故打消玩神秘的念頭。
他解釋說：「佢一日有五分之二時間喺車上，湊女返學、上興趣班，想搵架舒服啲嘅車，一定要有First class座椅，因為佢對腳長，所以同佢嚟，陪佢任揀！」在旁的琦琦一臉幸福地說：「今次份禮物真係好大！」談到送過百萬名車相當大禮時，Simon豪氣表示：「送就送啦！任佢揀，冇所謂。」琦琦更踢爆老公交過百萬稅：「濕濕碎，佢交稅都唔只呢個數！」難怪Simon表示送禮物當作鼓勵，自己則會更積極工作。
