老婆經常說一句話來形容日本的和菓子、羊羹等糕點：「佢哋甜成咁，唔係用嚟測試我哋係咪有蛀牙，就係用嚟驗糖尿！」

的確，日本人嗜甜，而且比我們能「承受」更高的甜度。每次買日式甜點作手信，都總會換來「乜咁甜嘅？」的投訴，所以我早就放棄買這些東西作手信。上一回到千葉縣採訪時，收到一盒紅豆蓉餡的Monaka（漢字為「最中」，以類似威化的餅皮夾着甜餡料的餅食），結果每次都只可以食三分之一，還要用一杯黑漆漆的Espresso伴之，因為着實太甜了！

最近朋友去過日本公幹，帶來了一盒羊羹，我登時眉頭一皺，說了句：「多謝晒……」朋友卻道：「咪以為係食開『甜椰椰』嗰啲。」細看「鹽羊羹」的包裝盒？原來這盒羊羹大有來頭，是來自長野縣一間有近百四年歷史的老字號「新鶴本店」，它棲身於諏訪大社下社秋宮旁。這種鹽羊羹用料都是上佳的食材：茅野出產的寒天（類似大菜糕的透明植物食材）、北海道十勝出產的紅豆以及海鹽，配以古法手製而成。因為長野縣並非靠海地帶，古時鹽對當地居民是相當珍貴，把鹽加入羊羹裏，更顯其身價；而味道也因為有鹽的加入，變得不算太甜膩，當然還是找一杯綠茶邊吃邊喝，味道更相配。

其實比起羊羹本身，我更愛那包裝。羊羹放於一個小小的化妝袋裏，精緻之餘，吃罷又可以用來擺放東西，一點都不浪費。

旅遊撰稿人