現處於半退休狀態的名模歐陽妙芝，早前夥拍名模好友陳嘉容（Eunis）為一本馬來西亞雜誌《98st》拍攝封面照，讓她重過名模癮。

是次負責的形象指導與妙芝相識十幾年，不過由於很久未見，連妙芝剪短了頭髮也不知，故原本計劃的造型亦要更改，而且妙芝生育後身形有變，很多衣服也不合穿，她說：「佢哋帶成隊攝影隊來港，將我同Eunis裝扮到好似孖公仔咁，原本想我哋一齊set卷髮，但我剪短咗頭髮，最後改咗束髻，而我同以前做模特兒時身形大咗一個碼，所以好多衫都着唔到，好彩佢哋借咗十幾套衫，終於有幾套着得落，足足影咗四至五個鐘。」訪問中妙芝更大談她經常偕兩位兒子行善，讓兒子從小培養為善不甘後人的美德。