本港兒童沉迷電腦的情況日趨嚴重，有專家指出，由於小孩經常使用電腦，令他們做運動的時間大減，部分人更邊吃邊玩，助長患肥胖及二型糖尿病的機會，嚴重者更有機會患上「上網成癮症」，今日《就係咁教》請來黃埔宣道小學校長蔡婉英女士教教大家如何誘勸小孩「遠離」電腦好方法！

預防沉迷 家長設限

有研究已證實，兒童長期坐着使用電腦可致肥胖，建議家長避免將電腦放在兒童房間，並限制他們的使用時間。本港目前有一成半兒童患有肥胖問題，部分人更因而患上二型糖尿病，令家長非常擔憂。

另一方面，小孩終日「纏」住電腦不放，變成「沉迷」，一般而言，「沉迷」是花費大量時間、精力於某一行為，例如飲酒、賭博等，影響日常健康、學習、家庭和社交生活受負面影響，不能自拔，變本加厲。之不過，家長又打又鬧並不是最好解決方法。黃埔宣道小學校長蔡婉英女士認為，家長應為子女訂立「使用電腦時間表」，規定每日使用時間，例如做妥功課或家務後方可使用，同時，對於剛懂使用電腦的小朋友，家長亦可陪同一起使用，作親子活動之餘亦可教導小孩遠離不良網站。

小孩內向 等如無朋友？

小孩子內向，不善與人溝通，一般家長會擔憂子女變「自閉」，其實未必！臨床心理學家鄒凱詩認為，家長應先了解子女動機再決定解決方法，例如小朋友覺得去圖書館看書好過去遊樂場玩，這並不是壞事，家長可按程度循序漸進令孩子多參與社交生活，方法大致可分三種，首先父母不妨多同子女玩一些互動遊戲，增加溝通機會，其次多培養他參與興趣班及課外活動等，都有助小孩融入社交。

Hot Click三甲
第一位：香港第一車

被喻為「香港第一車」的MY CAR終於喺本地開售，雖然極速65公里，速度就「曳」啲，但做到零排放、零污染、零噪音，仲要低耗量，難怪人人都爭住要買，生產商更預期下年中會推出時速達80公里版本，各位車主要密切留意喇！

第二位：東京車騷 有女睇

股升、樓升，連車價都起勢升，早前金融海嘯，全球汽車業受嚴重影響，更一度有傳東京車展會停辦，好在09年開始復甦，令車展如期舉辦，喺佔地近54,000平方米嘅場會內，除咗有超級靚車睇，最吸引莫過於一班車場女郎於場中穿梭，無機會親身朝聖唔使怕，上ontv一次過睇晒！

第三位：就係咁易 橡筋變吸塵機

橡筋除咗用嚟整蠱人，究竟仲有咩實際用途？今期《就係咁易》話畀大家知，其實橡筋好使好用，例如將三條橡筋分別「紮」喺番梘上，就可增加摩擦面，等你用起上嚟冇咁跣手，其次分別將七至八條橡筋分別「紮」喺用剩嘅廁紙筒上，之後再喺地板或書枱上碌嚟碌去，話咁快就將枱面上嘅塵埃吸起晒，清理乾淨就可以重複使用，既經濟又環保，之唔係咁易囉！

撰文：祖