憑《如夢》入圍角逐金馬影帝的吳彥祖（Daniel），自言有人群恐懼症及心情緊張，因怕萬一上台不知說甚麼，笑言情願落敗無獎。另外，跟女友Lisa S.同場出席手機活動時，只有眼望望，沒有交談。

拍拖多年的Daniel及Lisa S.，前晚一起出席手機品牌發布會，Lisa S.、Jocelyn及Amanda S.擔任模特兒示範手機，雖則後來Lisa S.和身為嘉賓的Daniel同台，但兩人全無交談，只以眼神接觸。Daniel接受訪問時，指今次不是情侶檔出席活動。至於誰的酬勞較高，Daniel說：「我哋唔講呢啲嘢，我都係尋晚先知同佢一個job。」

討厭sms

Daniel說平時會送手機給女友，因對方常遺失電話，更言不怕私隱曝光，因女友的電話簿全用暱稱，問到Daniel其暱稱是甚麼，他說：「係秘密。（你叫Lisa做honey？）我哋係用好simple嘅名稱呼。」問到平時會否發甜蜜sms？Daniel即一臉正經說：「我好唔鍾意sms，好討厭，send來send去好煩，我情願直接打電話，我好傳統。（用視像電話？）出埠用Skype網上見到對方唔使錢。」他笑言自己非官員、賊或黑社會，故不怕被人偷聽電話。

吳彥祖（右）和Lisa S.（左）在台上無交談，但間中也有眼神接觸。

左起：名模Jocelyn、Lisa S.及Amanda S.一起示範最新手機。

拒家人捧場

另外，憑《如夢》角逐金馬影帝的Daniel自言心情緊張，「如果贏咗要講咩呢？不過我成日都想自己輸，我唔會預備講辭，上到台又會緊張唔知講咩，諗定會好作狀。以前上台會好興奮，依家有少少人群恐懼症，入行已經好咗好多，但多過一百人就令我心跳同出汗。」他續說已叮囑家人屆時不要到場，怕會令自己更緊張。

文：名人組