每逢萬聖節，大家都會落足心機扮鬼扮馬，猶如嘩鬼出籠，熱鬧非常。不過年年都化上血流披面的嚇鬼造型，實在有點悶，今年一於以靚行先，找來著名化妝師Janice Lam，教化又靚又有萬聖節感覺的女巫妝，做個艷麗o靚巫。

螢光蜘蛛網迎節

要化萬聖節妝唔一定要扮爛面流血，其實一個自然妝加上萬聖節元素已經好應節，唔做惡鬼，做可愛女巫更討人歡心。著名化妝師Janice Lam指，「化誇張的流血妝要襯Total Look，服裝、髮型都要配合，而且要化得逼真需要很高技巧，所花的心思可不少。如果只係想湊湊熱鬧，可先化上自然妝容突出輪廓，然後在眼角與面頰位置畫上蜘蛛網圖案，簡單又有節日氣氛，再戴上巫婆帽，就可化身可愛女巫。」

Step 1：先在眼窩位置掃上啡色及灰色眼影。	Step 2：沿着眼睫毛根部畫上黑色眼線。	Step 3：在顴骨位置打斜掃上粉紅色胭脂。

而萬聖節Party多在晚上舉行，而且通常熄燈搞氣氛，就算個妝幾靚都冇用，完全睇唔到。想在黑暗中成為焦點，可在蜘蛛網圖案加上具螢光效果的顏料，愈黑愈出色，由日玩到夜，不用轉妝都冇問題。

Step 4：塗上粉紅色唇膏。	Step 5：以白色眼線膏在眼角位畫上蜘蛛網圖案。	Step 6：再用有螢光效果的顏料多畫一次即成。

Janice化鬼妝貼士

「蜘蛛網比起其他萬聖節圖案更易掌握，不用填色，只需畫上交錯的線條，形狀、大小與位置隨意便可，效果更自然。用一般的眼線膏或眼線筆畫已可，選用防水功能的產品，令圖案更持久不脫色。眼影可用黑、灰、啡色調加強陰沉感覺。」

Chanel Quatuor Boutons de Chanel 眼影組合$465（A）	RMK Ingenious黃色眼線啫喱 $250（B）	Cream Make-up螢光綠色顏料 $15（文具店有售）

撰文：伍家蔚

攝影：方偉堅（人物）、盧展程（產品）

模特兒：Tiffany（Model One）

化妝及髮型：Janice Lam（janicemakeup@yahoo.com）

場地提供：香港迪士尼樂園黑色世界

查詢電話：（A）2810 1083、（B）2865 0941