名模Cara G.昨日為品牌Coach舉行的09假日系列傳媒預展作示範，見她一身古銅膚色，Cara表示剛由澳洲參加完母親的婚禮返港，當地天氣十分炎熱，問到送了甚麼給母親時，她說：「佢咩禮物都唔要，只係要我哋陪佢一齊周圍去食飯。今次婚禮請咗80人，聚集咗來自唔同國家嘅親朋戚友，每晚大家都忙住敍舊，非常開心。」

Cara大讚婚禮在海邊舉行非常浪漫，她坦言若將來結婚也會選擇在海邊舉行，問到父母有否催婚時，Cara笑言沒有催婚，反而有催生，她說：「佢成日問我幾時生BB。（自己介唔介意未婚生B？）冇所謂，無論結婚先或者生BB先，我都同樣開心。」