由出道至今都充滿性感魅力的蔣怡，除了男友翁狄森外，竟然沒有人拜倒其石榴裙下。在與男友相戀的九年間，雖然經歷了離離合合、兩地相思，不過卻從沒有經過第三者的試練，認真不可思議！
稱得上是女神，不是天仙，也至少是個美女，追求者一定不少，不過無論在香港還是在台灣都是公認美女的蔣怡，卻直言人所公認的美人們最是寂寞，她說︰「我真係冇人約！好多人都覺得藝人咁靚，生活一定好多姿多采，其實收工都係返屋企嘅咋，都係幾個女仔約埋返屋企食飯睇碟。有時喺化妝間，幾個女仔講開下星期冇工開，會約埋一齊去旅行。」
女朋友較多
雖然身邊都是女朋友多，不過異性朋友還是有的，但談的都是別人的情愛，她說︰「拍戲啱傾，之後都會約出嚟食飯睇戲，不過佢講佢同佢女朋友點，我講我同我男朋友點。有啲就以為我做模特兒，一定識好多靚女，叫我介紹，入行後真係好難識到男仔。」
早前伊人回港被拍到與化妝師Kenneth Wong約會，態度親密，談起這個閨中好友，蔣怡禁不住甜笑說︰「我哋係好朋友，識得我哋嘅人都知我哋係咩關係，或者下次可以傳佢同Dickson（翁狄森）。」
珍惜異地情
與翁狄森相戀九年，中間出現過離合的小插曲，不過這一刻，蔣怡直言很珍惜對方︰「我不嬲都好珍惜，大家九年啦。不過結婚就冇諗過，一嚟大家分隔兩地，二來今年好多嘢做，無時間呀！」
瑤瑤爆紅唔成威脅
身高六呎的蔣怡，明顯是天橋型model，三年前她放下香港巿場闖台灣，在今時今日o靚模橫行的香港巿場中，當年的決定造就了今日在台灣成功轉型，不過蔣怡自言當日離開，純粹是因為愛上演戲和當主持，才做了這個決定。
今日香港有一眾大胸廚房妹，台灣亦有「宅男女神」瑤瑤，對於後起之秀，身為師姐的她亦有留意︰「我有留意，我知佢哋好紅，喺台灣有時睇新聞都睇到。其實模特兒要不斷替換，每個人都有自己嘅人生路，我去台灣唔係怕模特兒呢行冇得做，只係我鍾意演戲同主持，台灣機會多，之前喺香港好難接觸到呢行。」
演寸爆阿姐嗌好玩
蔣怡早前在新戲《泡沫之夏》飾演一個寸爆的演藝圈阿姐，向來多數演冷艷角色的她大呼好玩。在另一部《敲敲愛上你》中，她則飾演一名任性但可愛的千金小姐，這套劇與《籃球火》同時開拍，當時大家以為她只能演惡教練，誰知她竟然可有這樣大的變化，令蔣怡也大感滿足。
採訪︰楊歡成
攝影︰劉智源
場地︰香港太子酒店
服裝︰anteprima