陳嘉容（Eunis）昨日為「秋色裝容繾綣太古城中心」示範shu uemura今季新妝，早前忙於宣傳新書的Eunis，表示將會與一班朋友到台灣遊玩五天，隨便大吃大喝輕鬆一番：「我好鍾意台灣美食，去到一定食餐勁，返嚟先再減肥，順便探吓模特兒朋友。」不過，她卻不想在台灣識男友：「好難搵，如果朋友有好嘢都益自己先。我未試過異地戀，覺得會好辛苦，如果真係一齊，有時突然想行街都無理由飛過去，長途電話費又貴。（嫁過去外國？）我都想，但我仲後生，仲想做嘢，我之前見到Lisa S.問佢點解咁早諗退休，佢話13歲就出嚟做嘢，太長時間，我自己就未諗過退休，就算結婚生仔都唔會唔做嘢，（會做咩？）可能會做義工啦，因為喺屋企好悶。」