林海峰（Jan）前晚以評判身份出席I.T「21拍：短片比賽頒獎禮」時，自爆因甚少與太太彭羚合照而感後悔，不過向來計仔多多的他，就試過與彭羚合照證件相，他笑言：「我哋要申請Visa，但係合照被移民局反對咗，我會繼續爭取。」

另外，身為兩女之父的他經常為女兒拍下短片，他說：「每對父母都會咁做，係指定動作。我覺得排行最大嘅仔女一定畀人影得最多，排第二嘅就蝕底啲，排第三嘅就好似消失咗，父母舉機能力愈來愈難！（唔公平？）冇辦法啦，鬼叫佢哋喺天堂按鐘按遲咗，可能太塞車。」作為公眾人物，Jan常成為拍攝目標，他笑言要多謝傳媒：「有啲鏡頭一世都影唔到，好似反眼樣、矇眼樣咁！」Jan又謂平日很少一家四口合照，會把剪報放在相簿留念。