裝窗花、砌磚頭，呢間屋我哋起o架！

扮工室玩腦作

本文重點

2至10歲都啱玩
扮農夫學珍惜自然
玩變身激發想像力
必玩推介
收費詳情

小朋友好鍾意扮大人，所以唔少爹哋媽咪都會買啲煮飯仔玩意畀囝囝囡囡，但扮來扮去都係媽咪或廚師，好悶啫！最近大埔開了一間另類「扮工室」，提供各類扮嘢道具，小朋友可以起樓、耕田、扮司機，透過角色扮演認識大人生活，兼發揮想像力，好玩過煮飯仔多多聲！

2至10歲都啱玩

力撐「兒童自主」概念的「遊戲萬象館」，由日本環境研究所著名建築師仙田滿博士與本地遊戲專家「智樂兒童遊樂協會」合力炮製，專為鍾意扮鬼扮馬嘅小朋友而設。協會總幹事Kathy指出，館內嘅遊戲配合本港兒童嘅成長需要，以啟發想像力為大前提，2至10歲都啱玩，更鼓勵爹哋媽咪玩埋一份，藉此拉近親子關係，而且部分遊戲更會定期換上大熱主題，絕對唔會悶親！

扮農夫學珍惜自然

想豆丁學珍惜、學環保，農莊是最理想嘅教室！現場布置出Q版農莊場景，大、小朋友即時變身現代農夫，不但可學識「一分耕耘，一分收穫」，家長亦可鼓勵孩子與人分享成果。

稻草當玩具，未試過呢？既可以扮耕田，又或者整個人瞓在草上，任你自由發揮。

將「瓜果」吊在籬笆，然後悉心「灌溉」，小朋友可體會「種瓜得瓜」的道理。

玩變身激發想像力

走出農莊，下一站當然係入城（市）開工啦！起屋仔係重頭「戲」之一，小朋友先要戴上手套和安全帽，並利用多種工具，學吓裝窗花、砌磚頭，比砌積木好玩N倍。另一邊廂，小朋友亦可玩盡角色扮演，一時扮巴士司機，一時化身時裝設計師，藉模仿激發想像力。

由小朋友開動的袖珍巴士，誠邀大、小朋友做乘客。

左拼右貼幫公仔換衫，孩子一下子化身時裝設計師！

必玩推介

不說不知，這間「扮工室」機關重重，有5個不同顏色的巨型「遊戲盒」分布場內不同角落，每個盒分上下兩層，小朋友可手腳並用爬上頂層，再穿越神秘隧道，仲可以玩埋繩網陣，活躍型小朋友最啱玩！

巨型「遊戲盒」顏色繽紛，讓小朋友自由穿梭七彩遊戲世界。	神秘隧道位處天花板，小朋友要向「高」難度挑戰。	盒子可通往鬼馬繩網，非一般的傾斜式設計，爬、走、彈、滑都得，一片尖叫聲中鍛煉大小肌肉。
本來透明的隧道突然出現一片鏡子，充滿驚喜。難度挑戰。