前晚舉行的YSL時裝騷上，胡敏珊和張天愛都有到場睇騷。最近忙於開新店的胡敏珊被問到會否閃電結婚，她即似黎明上身，大講金句：「閃電未嚟搵我，男友冇表白過，佢都冇行雷，佢係一個比較怕醜嘅人，不如你哋幫我同佢講。」對於近日有不少藝人被揭已婚，她說：「你可以去查吓我，如果我結婚唔介意畀人知！」

偕老公出席的張天愛亦感在賭城註冊好處多多：「可以即日離婚嘛！不過我冇試過，依家一上網就查到！」不過她覺得現在資訊發達，故已叫囡囡多加留意私隱：「叫佢玩Facebook要小心啲，不過佢好醒目嘅！」