雷曼迷債糾紛剛剛告一段落，Accumulator的輸家又正磨拳擦掌誓要和各大i Bank法庭見高下，索償訴訟隨即連串爆發。

你有你告，i Bank的生意還是要繼續做，近日股票重上20,000點，i Bank又蠢蠢欲動。這個月電話不絕，都是i Bank推銷其改良版的Accumulator。

如何改良？如果你認為一年期的合約風險太高，可以為你度身訂造6個月，甚至3個月的Accumulator，滿意未？當然，接貨價是愈長期折扣愈大啦。總之一句，唔怕你精，唔怕你呆，最怕你唔來！

做莊家和客對賭是i Bank主要收入來源，做莊最緊要個Pool夠大、客多、Transaction夠就肯定賺錢，所以市況轉旺，i Bank便馬上出動了！

可能你話咁多人輸身家，唔會再有人買這些高風險產品了，那便真的大錯特錯，人總覺得自己比別人優勝，你輸身家不等於我會輸錢吧！

我呢，只深信知識改變命運，財富是要慢慢積聚的，畀心機讀多幾個學位，充實知識與提高分析力對我來說更實際。

更何況i Bank這時出動……會不會是另一個啟示呢？

註冊女中醫