名模Lisa S.昨日反串着西裝，以Tom Boy造型亮相，搞到Ana R.暈大浪，頓變小鳥依人！事後，Ana更指平日的Lisa似足男人一樣保護她，難怪Ana自稱是Lisa的女朋友，公開「斷背情」。

昨日，Lisa和Ana以情侶檔姿態為伯爵錶擔任模特兒時示範手錶，Lisa反串男生穿上西裝扮Tom Boy，而Ana則穿露肩裙，繼續做女人。Lisa和Ana示範手錶時，儼如情侶一般，非常合拍。Ana見到英姿颯颯的Lisa即時暈晒大浪，事後Ana笑言：「現實生活中，Lisa都好似男仔咁保護我！」Ana更戲稱是Lisa的女朋友，公開兩人的「斷背情」！

吳彥祖依然No.1

罕有作Tom Boy打扮的Lisa透露，早年在紐約生活，曾試過剃光頭，結果惹來同性埋身，她憶述說：「有次我去Disco玩，有個女仔開口話要追我，我同佢表明身份，唔知講乜好，搞到好尷尬。」不過，現實生活中，Lisa大晒幸福，與吳彥祖的感情生活充滿愛：「極好，佢依然係我嘅Number 1！」此外，來港多年的Lisa原來一直沒有屬於自己的化妝枱，自爆每次化妝都要跪地，難怪她高呼要盡快買一張化妝枱。

罕有作男性化打扮的Lisa，提起男友吳彥祖即大讚他是Number 1。	Lisa反串男裝夠型，認真迷死女。	Ana有男友David的愛情滋潤，狀態回復大勇。

Gaile否認鬧不和

談到好友樂基兒（Gaile）早前生日，Lisa回應時忽然顯得冷淡，反問：「佢幾時生日？祝佢生日快樂！佢係咪得15歲？（你們不是朋友？）我之前去咗泰國、中國內地做嘢！」被問到送甚麼禮物給Gaile時，Lisa說：「佢乜都有，我唔知買乜嘢畀佢。」Lisa此言一出引起兩人感情有變的疑雲。事後，本報致電Gaile了解，她否認與Lisa不和，續說：「今年低調食飯，冇乜特別慶祝，朋友唔記得唔奇，我今日行街都見到Lisa，有同佢打招呼！」

而Lisa事後接受電話訪問，也強調並非與Gaile鬧不和：「梗係唔係不和，我之前真係出trip，一時諗唔起佢生日。」Lisa透露會約Gaile食飯後補慶祝。

文：名人組