近期(o靚)模橫行，身為王天嫂級的模特兒熊黛林（Lynn）卻冇有怕。昨日她出席活動時，直言自己屬「高」嗰批，工作不受(o靚)模影響，又說不會跟風出寫真，暗寸(o靚)模身材「矮」兼冇個性。

昨日Lynn身穿低胸晚裝為香港杜莎夫人蠟像館內的妮歌潔曼蠟像主持揭幕儀式，並獲大會頒發「紅地氈盛會——最美艷嘉賓大獎」。

熊黛林昨日為妮歌潔曼蠟像主持揭幕儀式。	Lynn獲大會頒發最美艷嘉賓大獎。	(o靚)模爭相出性感寫真，熊黛林不想趕這熱潮。（資料圖片）

冇影響工作量

對於近期不少反(o靚)模的聲音，Lynn沒有特別留意，她說：「只要佢哋（(o靚)模）覺得OK同啱就得。（會唔會覺得風氣唔好？）每個行業都唔同，我哋行catwalk多啲，而且係屬於高嗰批，佢哋可愛啲，拍廣告多，影響唔到我。（工作有冇減少？）冇，有啲衫係要咁高先着到，有啲客鍾意我哋成熟同身材高，唔會揀可愛嘅妹妹。」

Lynn言談間暗寸(o靚)模身材矮小，身材高挑的Lynn比妮歌潔曼的蠟像還要高，難怪她對自己的身高充滿自信。

寫真唔着內衣

另外，問她會否有興趣出寫真？Lynn認為近期太多人影比堅尼照，如果她出寫真會被誤以為很性感，她說：「我想有自己嘅個性，唔係人出咩我出咩，以後再諗。（出寫真有冇底線？）內衣一定唔得，泳衣都可以。（背部全裸呢？）點影唔緊要，性感OK但要健康，唔可以為性感而性感，性感可以係S身形，唔一定係着得少。」

提起蠟像，Lynn希望擁有自己造型的蠟像：「係一個榮譽，好羨慕。我之前同屋企人嚟過睇。（有冇同郭富城嘅蠟像合照？）有睇過，都幾似，有佢嘅舞台風範。」

文：名人組