(o靚)模「E Cup Baby」劉欣宜與鍾蕙芝（Lavina）齊齊被網友攻擊，更有人在交友網發起組織，反對(o靚)模出席書展，不過向來有腦的劉欣宜借機大騷自己受歡迎，還未看得通的鍾蕙芝則坦言對被圍攻感不快兼痛哭，更說︰「我都有阿媽生﹗」
劉欣宜昨日與Lavina以牛女造型出席《PS3遊戲COJ × Outback》記者會，Lavina雖然姍姍來遲，不過打扮卻較劉欣宜性感，拍照時不忘大騷bra帶邊。
自認形象健康
對於有網民在交友網發起反(o靚)模出席書展簽名會活動，劉欣宜有備而來地說︰「我有睇到，我都好無奈，我又唔係援交，我都係做正當職業，自己養自己。（針對你？）佢覺得我係(o靚)模代表，形象深刻，加上做呢幾場活動又成功。」對於有指她們的寫真集放在宗教書附近，欣宜並不擔心︰「我哋唔係淫褻，又唔係唔見得光，希望唔好用有色眼鏡睇我哋，成件事好正面同健康。」她並謂稍後將簽約經理人公司，不怕到時(o靚)模熱潮已過，亦不會收起性感，並謂有人讚她歌藝似林憶蓮。
食飯期間落淚
而Lavina則收起笑容，直言受到網友杯葛而落淚︰「我唔係偷唔係搶，唔明點解要反我，我都係賺血汗錢，想畀好生活阿媽。我表面風光，每日日曬雨淋、爬高爬低好辛苦，係有人為反對而反對。（佢哋覺得你Cheap？）我係賺錢比人少，(o靚)模價錢比較低，可以立足係有實力。有時都覺得委屈，試過食食下飯喊，壓力好大，有網友留言話我冇家教，我都有阿媽生，網友好唔負責任。（封胸？）有諗過，依家覺得好驚、會擔心同憂慮。」
文︰名人組