近日（口靚）模界出現不少以行性感為主的（口靚）模，身為（口靚）模界師姐級的楊崢，對此現象形容為「失控」！昨日楊崢以樂施大使出席「名牌義賣周」活動，她更即時捐出三件名牌物品，包括衫、鞋及手袋，她表示成為樂施大使已五年，希望有生之年能夠繼續做「樂施大使」。

被問到對近日一批性感（口靚）模有何睇法？她說：「近兩個月可以用失控嘅情況去形容，太多！多到唔知邊個打邊個！當然我唔係反對佢哋出嚟，反而佢哋嘅出現，令好多少女多咗夢想，係一件好事。不過佢哋同Janice Man、Angelababy好唔同，至少Janice同Baby自小接受過訓練，經常喺雜誌出現。但依家好多（口靚）模可能只係上過美女廚房！」她更表示太多翻版（口靚）模，不過自己對於翻版並不介意，她說：「我知道有好多翻版，好似曾經都有翻版楊崢，不過我唔介意，連周秀娜都已經有翻版！」