趙碩之與Yumi被傳不和，昨日二人同場出席活動雖然表現友好，不過分開訪問時卻句句有骨。趙碩之表示近日減磅後仍力保D Cup身材，她透露早前買了牛初乳想贈予Yumi，但卻因變味而未能送上，Yumi聞言大叫對方再買奶送給她。

趙碩之昨日穿了一件心口開心形洞的懷舊連身裙到apm出席活動，夾出大咪咪的她，明顯較師妹Yumi（尹蓁晞）有睇頭，碩之表示近日體重由110磅減到106磅，但Cup數不變，仍然力保D Cup。對於與Yumi屢傳不和，碩之語帶雙關說︰「我同佢冇乜嘢，（佢同你道歉？）都有誠意，（你哋不和？）等寫真集出咗就和好。（佢話你成日話佢？）唔係我、唔係我。（係咪做宣傳？）適當嘅宣傳係需要，唔係話佢博宣傳。」

Yumi與胡心諾（右）站在趙碩之旁邊，身材明顯輸蝕。	Yumi於活動上以多套不同裝束上陣，穿上旗袍後盡顯曲線美。	趙碩之上星期到澳門為婚紗店示範婚紗。

堅稱曾經嗌交

對於Yumi說要請她吃日本菜，趙碩之自言也愛吃日本菜，不過她承諾送給師妹美白的奶卻還未拿得出︰「我之前返內地，買咗五十支牛初乳想畀佢，但我返嚟前去咗揼骨，所以啲味變咗，惟有下次再買。」趙碩之並謂也想到書展支持Yumi的寫真集，但怕被指踩場。

對於趙碩之謂雙方沒有不和，Yumi說︰「佢今日心情唔錯，今日應該冇M到（月事），佢冇鬧我啦，冇再話我核突，可能我改善咗。（佢話想送畀你嘅奶變咗味？）再買過啦叫佢。」對於被質疑借是非宣傳寫真集，她即澄清雙方真的有嗌交︰「真係有嗌交，佢覺得我上次錄音拖累佢。（幾時請佢食飯？）佢送奶畀我就請佢食飯。」

行婚紗騷興奮

另外，趙碩之上星期到澳門旅遊塔為「澳門第十九屆婚紗展」擔任剪綵嘉賓，並為「蒙娜麗莎」示範婚紗。第一次行婚紗騷的碩之直言大感興奮，更令她對結婚充滿憧憬。

文︰名人組