今年五十九歲的黎女士，三、四年前已出現心口翳悶的徵狀，其後驗血證實血脂高及有家族性遺傳的高血壓，有機會導致冠心病和血管栓塞。但黎女士一直抱着「忍得到就算」的心態，沒有定期覆診監察病情。她去年農曆新年前在家大掃除，蹲下來抹地期間，突然覺得胸口痛和氣喘，於是急召救護車送往瑪嘉烈醫院，證實心臟病發。

「當時醫生驗到我心肌酵素高，係心臟病發徵狀，留院三、四日，開咗脷底丸畀我，叫我做多啲運動，就畀我出院。」黎女士出院後體力大不如前，步行十多級樓梯都要停下來休息數次，「搭地鐵如果扶手電梯壞咗，我行十幾級樓梯都要抖幾次。」

「真係好神奇」

及後黎女士經朋友介紹接受物理治療，學習如何運動以強健心臟，從最初行跑步機，逐漸加入擴胸等負重運動，經過三堂指導，再於家中自行踏單車機和拉筋，每周到城門水塘行山，「真係好神奇，做運動之後體力好咗好多，唔使食脷底丸，行樓梯都冇咁氣喘。」為防心臟過分負荷，黎女士會佩戴心率錶做運動，每當心跳達到每分鐘一百一十下，便會稍作休息。