由於豬流感疫情嘅關係，有關當局宣布幼稚園及小學停課兩周，相信好多家長都正為安排活動與小朋友共享天倫而煩惱，同時更加要為即將來臨嘅悠長暑假作準備。各位家長唔使擔心！因為本住「Cheap星精神，服務地球人」嘅Cheaperman專程為大家四處尋找美食，令大家可以一家大細享用抵食又好食嘅美食！

脆皮豬手 聲音誘人

Cheaperman第一站去到粉嶺聯和墟尋找美食，原因係Cheaperman早前曾經到此一遊，發覺聯和墟美食多，更可以識到好多好朋友。說時遲，那時快，Cheaperman又識到一位新朋友喇！呢位新朋友叫做Ronald，同時亦係一間餐廳嘅老闆，由於Ronald個子雄壯，好比一件大番薯，所以其餐廳亦以此命名。既然Ronald係餐廳老闆，Cheaperman當然要去幫襯佢啦！

Ronald嘅餐廳設計簡約得嚟頗具格調，令Cheaperman一坐低就覺得相當舒適，胃口因而大大增強，Ronald就先將一份重量級嘅芥蜜汁脆皮豬手以及地獄燒雞送上。面對大大隻嘅脆皮豬手，Cheaperman一時之間都不知如何下手，幸好Ronald出手代勞，將脆皮豬手嚟個「骨肉分離」，不過，神奇嘅一刻突然出現！因為Ronald手起刀落之時，豬手烤得極為鬆脆嘅表面居然發出令Cheaperman驚訝嘅聲響，天生嘅美食觸覺告訴Cheaperman，呢種係「美味」嘅聲音！至於聲音如何能夠「美味」，大家就要click上ontv洗耳恭聽喇！而Cheaperman嘗過外表鬆脆，肉質鮮味又惹味嘅豬手之後，再品嘗到由十幾種香料醃製嘅地獄燒雞，同時味道濃郁可口。

甘薯批好 盅頭飯正

主菜之後當然係甜品出場啦！Ronald特製嘅薑汁甘薯批剛好出爐，此甘薯批真材實料，一睇就知道滿滿嘅內餡完全係甜獨美味嘅甘薯，真係令人食指大動，所以Cheaperman就算再飽，都要將甘薯批完全吞噬，果然，甜而不膩、充滿甘薯味道嘅薯批令Cheaperman回味無窮，更覺得人生幸福美滿，真係多得Ronald呢位新相識喇！識到咁好嘅朋友，Cheaperman更加對聯和墟依依不捨，所以告別Ronald之後，Cheaperman繼續遊走於聯和墟，更加搵到一間標榜正宗盅頭飯嘅食店，於是Cheaperman就決心一試其店員推介嘅排骨盅頭飯喇！一試之後，發現排骨新鮮、肥瘦適中，飯粒分明，加上豉油甜度剛剛好，令盅頭飯充滿傳統風味，果真如店員所講咁正宗！

Hot Click三格
第一位:德國內衣綻放魅力

內衣雖然係女士嘅貼身用品，但係近年女士們對內衣相當講究。最近，一間德國內衣專門店就展出一系列為迎接夏日而設計嘅09年夏日內衣，其用料講究，以超細纖維、最優質棉花、百分百進口布料以及花邊，再加上時尚設計而製成，除咗令女士穿着得舒適之外，更加令女士綻放性感魅力，如果想感受一下呢種魅力，就要click上ontv生活台喇！

第二位:廁所除臭話咁易

時值豬流感疫情漸漸擴大，相信大家都應該對衞生十分注重，經常都會去廁所清潔雙手。不過，大家有冇發覺，大部分公用廁所都有一股異味，令大家渾身唔自然，好想速速離開呢？為咗令大家可以安心到廁所解決大小需要，同時可以專心清潔雙手，ontv專程為大家提供一個可以辟除廁所異味嘅方法！此方法更加簡單到不得了，想知道？click上ontv就一清二楚喇！

第三位:圓美Notebook

手提電腦係好多白領一族嘅工作好夥伴，每日都要長時間同主人一齊拚搏，所以手提電腦除咗要功能齊全之外，若然外表討好，就更加令主人用得舒服喇！Samsung最新推出嘅N310外形由國際知名設計師深澤直人設計，外形圓潤討好，充滿和諧感覺，加上系統功能卓越，絕對係一部「圓美」Notebook！想知道N310如何「圓美」？請click上ontv啦！

撰文：崔敬賢