曾與趙世曾傳緋聞、上年世界小姐北京大賽冠軍蔣欣妍（Taiz）日前來港，並專程買了一枚腕錶送給父親作為父親節禮物。

因讀書與工作關係，Taiz一年只能回家兩三次，但與雙親關係並沒有因此而疏離，每逢母親節或父親節必定會送禮物，她說：「細個時會送一些小禮物，或自己親手做禮物，依家有能力，會送名貴啲，同時可證明自己在事業上有進步。」

Taiz日前專程來港選購父親節禮物，最後揀了一枚萬多元的波爾錶送給父親。而送錶給父親，原來背後有段故事，她說：「我細個時好頑皮，有次發脾氣，亂掟屋企嘅嘢，仲將爹哋隻錶掟咗落地，搞到錶面裂咗，之後當然被爹哋責罵，而自己亦一直好內疚，諗住第日搵到錢一定要買隻靚錶送畀佢。」

鳴謝：東方表行