「升呢」（升Level）呢個字本來係打機術語，但係愈來愈多人用，講到變成一個潮語，連玩Facebook嘅養寵物同開餐廳小遊戲都要升呢！查實升呢仲有好多方法，和記寬頻就推出網上遊戲網站，仲同近期人氣升呢嘅陸永夾埋搞一個潮撐陸永遊戲，今次就等佢教你點樣撐佢撐到有獎啦！

最愛鬥住升

就快開Show講棟篤笑的陸永超鍾意打機，熱愛程度高到連自己個Show名都有關。「細個最鍾意打『孖寶兄弟』，喜歡橫向捲軸遊戲嗰種只會向前不斷升級嘅概念，唔使好似啲第一身遊戲咁喺同一個地方轉來轉去尋寶同埋完成任務，做漏又要返轉頭。」

時至今日，陸永仍然喜歡打街機，不過打親都係Mini-game，或是可以連線對戰同埋玩得勁會升呢的「鬥地主」。「依家我已經升到『富農』呢個Level，要玩贏好多人、好多鋪先可去到呢個位置！」陸永笑說。

玩追星撐陸永

最近和記寬頻推出了「Game On!」遊戲網站，而其中更加入了有得玩有得獎的「齊撐陸永『升呢』Game Site」，用家只要登記成為陸永的Fans兵團，跟住過五關斬六將，完成各項潮撐任務之後，就可以在遊戲中「升呢」，由睇Show坐最後排升到去前面VIP位，而且在指定日期前升到頭十名的話，仲可以贏到陸永7月棟篤笑Show門券。遊戲中撐陸永的任務主要為用各種道具去不同場合追星，包括用大聲公打氣和追車等。「如果現實中有Fans撐我撐到接機追車都幾誇張！但玩遊戲咁玩法都幾得意！」

Game On!乜都有得玩

最新登陸的Game On!網上互動遊戲平台，集合了全港逾九成的Online Game資訊，例如「魔獸世界：巫妖王之怒」及「彩虹島」等資訊，而個別的Online Game更可以於該網站購買遊戲點數，於推廣期內有八折優惠。此外，網頁亦有多款好玩Mini-game如海盜船及切燒豬等，成績好的話，就可打入排行榜，有機會獲得現金券以及每月大獎，總之升得愈高呢會愈多獎！即將推出的還有網上麻雀平台，可以和其他朋友打牌，都幾有趣。

升呢有法

1. 登入遊戲網頁，就會見到不同版面的連結，陸永話：「仲有我個show前blog，全部最新獨家堅料！」

2. 想知道自己的遊戲排名，去座位表就睇到自己坐得幾前，同埋其他人成績係點，有個目標去追！記住16日前坐得最前會得到《和記寬頻潮捧陸永棟篤撐之我係明「升呢」》門票2張。

3. 「要潮撐我，梗係要用唔同道具啦！記住愈升呢愈多道具用喎！」

4. 自己一個撐陸永好寂寞，搵朋友一齊撐就可以分擔任務盡快升呢。

5. show前blog以圖像及片段為主，「寫嘢嘅精力留番畀個Show啦！」

撰文：周雁秋　攝影：胡淑儀 化妝：Manyee　

髮型：Ivan@Salon IDE 服裝：Juice、adidas

網址：game.hgcbroadband.com 查詢電話：1226