模特兒Amanda S.昨日出席活動時，透露去年帶同男友到台灣探親見家長，雖然外婆與男友雞同鴨講，要靠手勢溝通，但外婆卻對男友非常受落。不過因外婆性格保守，不准男友進駐大宅，Amanda惟有跟男友「分居」，認真慘情！

Amanda與周中師傅等昨日出席「勁玩臺北」單車旅遊計劃活動，外表鬼妹仔的Amanda表示很多人也不知道她擁有一半台灣血統。Amanda透露曾在台灣住了八年，更講得一口流利的台腔國語。由於她的母親及外婆也在台灣居住，故她每年也會回台探親。

以小背心上陣的Amanda身材甚有睇頭。	Amanda跟周中師傅（左二）等出席「勁玩臺北」活動。	Amanda跟Christian感情穩定，二人經常以孖公仔姿態出席公開活動。 （資料圖片）

用手勢溝通

問到其意大利籍男友Christian有否陪她探親時，Amanda說：「有，佢同我外婆嘅生日只係差幾日，上年就一齊返咗台灣慶祝，感覺好Sweet。不過，我外婆唔識英文，所以佢哋只能夠用手勢去溝通，好好笑。」Amanda又坦言外婆想她跟台灣人拍拖，不過外婆覺得意大利跟台灣的文化相似，加上男友並非金髮，故外婆對他也很受落。

冇語言天分

Amanda又表示有意與男友再度返台，她笑言：「我嘅台灣屋企好大，好多人，我有九個阿姨同舅父，大家一齊好開心，男友都好開心。不過，返到台灣我就住喺自己屋企，但男友就要住酒店，因為外婆好保守。」問Christian有否惡補國語以便跟Amanda家人溝通？Amanda就直言男友曾學過幾堂國語，不過天分不高，而男友每次向的士司機用廣東話講住址時，對方也會聽得一頭霧水。

文：名人組