朱玲玲嫁予羅康瑞後除了做幸福少奶，更做「跟得夫人」，不時陪老公到大連公幹享受生活。前晚夫妻倆一起出席慧妍晚宴，不過比起一眾歷屆港姐，朱玲玲打扮略嫌密實，她暗示雖然老公冇畀壓力，但自己要識做！
前晚舉行的「慧妍雅集慈善晚宴2009」星光熠熠，歷屆港姐均性感現身，行頭十足，計有陳法蓉、葉翠翠、張嘉兒等等，朱玲玲成為着得最密實的代表，問是否老公禁止性感？她說：「佢可能係，但佢冇畀壓力我。」前晚她一臉風騷，提起老公更不時甜笑，更指老公亦買枱支持活動。
「幸福自己爭取」
朱玲玲又說不知道長子霍啟剛女友郭晶晶日前奪金，兒子已拍拖多時今年會否有機會做奶奶？她說：「呢啲你哋問番啲仔，幸福係佢哋自己爭取，我唔想畀壓力佢哋，我唔心急！」啟剛近日減肥成功，她讚啟剛比以前靚仔，不過提到啟山變了肥仔，她即面有難色說：「啟山可能係工作有壓力，應酬又多冇時間做運動。（冇拖拍係咪都有影響？）可能拍拖辛苦，就會瘦！」
孫泳恩閃爆全場
孫泳恩專程從美國加州回港出席晚宴，她說雖然美國成為豬流感（H1N1甲型流感）重災區，她居住的加州未有受嚴重影響：「我今次坐飛機返嚟，都帶定『特敏福』，可能嗰邊地方大，未見到有好多人戴口罩。」前晚她佩戴的閃爆首飾價值60萬，她說：「我同楊諾思係好朋友，佢知我嚟，英皇就贊助我。」
此外，主席楊婉儀透露前晚拍賣時段籌得約70萬元，單是由本港知名紅酒收藏家黃力捐贈的一支1949年LAFITE紅酒，由東莞一位商人戴先生投得，為晚會籌得10萬元。
文：名人組