本文重點
近年模界湧現大批靚模，她們有青春有身材，進軍模界及娛圈話咁易，身為香港模界天后級model的樂基兒（Gaile），對於這批異軍湧現，處之泰然，正所謂道不同不相為謀，她充滿自信地說：「我哋係唔同類型嘅！」
天王嫂Gaile在香港模界絕對是模界天后，縱使近年靚模輩出，絕不會影響她的飯碗。近日她為「Gillette Venus」拍攝廣告，問到她對於靚模湧現，會否擔心頂爛市，她說：「靚模？我冇乜點見過，之前都有啲人同我講過，我一直唔覺得有影響。我哋係唔同類型嘅model，好多客戶搵我哋係行騷，做fashion嘅嘢。佢哋平時接嘅工作，嗰類型客戶都唔會搵我哋，所以冇影響嘅，我一啲都唔擔心。」根據Gaile所屬的model公司表示，Gaile的工作表已排至年尾，縱使金融海嘯，工作仍不斷。
密謀年尾開展大計
Gaile又透露未來工作陸續有來，年尾更有一個大計劃，不過她要保持神秘，暫不公開。至於是否開model公司做老闆娘，她說：「嗰本雜誌作嘅，唔係啦。」她又謂在藝術學院畢業後，除繼續接job行騷外，未來仍會繼續與同學仔搞藝術做慈善。
衞蘭孖妹家中jam歌
此外，Gaile與衞蘭前晚在一活動上碰頭，兩人一見面互相擁抱，衞蘭表示妹妹衞詩（Jill）目前在家中休息，健康情況良好，有時間還會弄一些小首飾，衞蘭更謂要賺多點錢，打本給妹妹開舖做生意。她透露現在閒時亦有和妹妹在家中jam歌，若有機會，希望妹妹可重返幕前唱歌。而應昌佑亦透露有和阿Jill在Facebook通話，更說對方心情已回復不少。
文：名人組