時裝設計師何國鉦（Dorian）早前率領兩名中國模特兒到韓國出席釜山國際時裝節做騷，事後大讚她們質素高。對於香港模界，他有感青黃不接嚴重才令G模有機可乘，而一眾深受電車男愛戴的G模，Dorian揚言一定不會請她們行騷，他說：「佢哋身高五呎七吋都唔夠，難登上國際天橋，一定唔會搵佢哋，（識唔識啲G模？）見都未見過，都唔知邊個打邊個。」
被Dorian睇中的兩位中國女模，分別是「2008中國超級模特大賽」冠軍劉彤彤和「愛美麗2008中國內衣模特大賽」亞軍張鈺，他說為了安排她們到韓國做騷，手續繁複，大費周章，但對她們非常滿意，感覺好值得。雖然今次已是他第四趟到韓國做騷，竟被誤會是韓國人，令他啼笑皆非，他說：「其實我都幾鍾意韓國女模，唯一係佢哋太過瘦，不過佢哋整容真係好普遍，每一次見佢哋都唔同樣，但就一次靚過一次。」
是次在韓國展出的09秋冬系列，名為「Diva Golden 80’s」，以80年代風靡一時的代表人物作設計靈感，當中包括麥當娜。