現年廿四歲的新人溫家恒，在劇集《溏心風暴之家好月圓》中飾演中仔一角而嶄露頭角，雖然在劇中戲份不多，但能夠與一眾好戲之人夏雨、李司棋、關菊英、米雪等合作，溫家恒已覺得難能可貴，感覺就好似中六合彩般幸運。
在英國長大的溫家恒，從來沒有想過做明星，今次入行只是無心插柳，他表示：「畢業後由英國返港，打算做兩年嘢就返英國，點知遇到明珠台一個監製，佢邀請我做主持，我又覺得一試無妨，四個月之後，《家好》監製搵我拍劇，真係好幸運，可以同咁多好演員合作，佢哋教識我好多嘢，拍攝期間大家一齊玩一齊笑，佢哋真係當我家人咁，可以同佢哋合作，感覺好似中六合彩，我知道呢啲機會唔多，所以要好好把握。」
唔開心唔撈
雖然娛樂圈一直被外界視為大染缸，不過溫家恒卻有信心出於污泥而不染，他說：「家人冇反對我做呢一行，因為我唔係發明星夢，我只係做自己有興趣的行業，如果做得唔開心，我會選擇唔做。（擔唔擔心喺娛樂圈會學壞？）唔擔心，我嘅朋友都係入行前識落，其實學唔學壞要睇自己把唔把持到，我相信我會得。」
Profile:
英文名：Vincent
出生日期：1984年7月15日
嗜好：網球
參與演出：《溏心風暴之家好月圓》、主持《東張西望》及明珠台《港生活‧港享受》
身高：175cm 體重：120磅
場地：Halo
髮型：04 NO8@King Leung