寇鴻萍的富商丈夫梁廷鏘，日前有報道指他攬女斷正，而寇鴻萍近日又捲入生意及勞資糾紛，認真黑仔。
雖然梁廷鏘攬女斷正，但昨日夫婦二人繼續十指緊扣現身馬場，為旗下的名駒「霹靂槍」打氣，可惜「霹靂槍」唔爭氣跑輸收場。問到梁廷鏘會否覺得自己黑仔？他說：「咁又唔可以咁講！」至於心情如何？他說：「幾好呀！」不過問到寇鴻萍，她則說：「遲啲先講啦！」雖然笑容滿面大方拍照，但二人最終還是避記者走後門離場。
此外，馬鴻銘雖然日前因踢波傷腳，但仍堅持陪父親入馬場。而許晉亨亦與父母入場，但其家族名駒「創惑」卻跑個梗頸四。
