Rick Chin10分鐘變靚

締造快、靚、正的妝容是專業化妝師Rick Chin的拿手好戲，可是並非人人都擁有大師級的化妝技巧，他就教大家以出色的妝物配合最基本的化妝技巧，化出流行潮爆的漂亮彩妝，隨時隨地都令你靚得起！

貴為圈中一眾紅星如張國榮、鞏俐、章子怡、梁朝偉、劉嘉玲、關之琳、張學友和張栢芝等的御用化妝師，Rick Chin以大師級的化妝造詣，隨手便能創造出千變萬化的迷人妝容，他說：「我依家限自己要喺15-20分鐘內搞掂個妝，因為我第一次拍廣告時試過坐定定畀人化妝，想郁又唔好意思，過程好攰、好痛苦！其實只要事前諗好要點化就可以好快。」他深明很多女生都自覺不懂化妝，於是他想出一些簡單又實用的方法：「我想做啲好practical嘅嘢，例如唔係化妝師都化到嘅妝、十分鐘完成嘅妝咁。」

貴為化妝大師，Rick Chin每事要求嚴格。	放大圖片	在乾爽的臉上掃上Minerals粉底，再用Concealer將臉部瑕疵逐一遮蔽，每一下上Concealer都要先點一下粉底，「乾濕」混合使用就能造出貼服自然的高度遮瑕效果。
勾畫上眼線後，以啡色眼影沿眼線位在眼窩來回拖開，營造soft一點的感覺，再用淡綠色眼影作highlight，加強眼妝立體感。	塗上分別增長和豐盈兩種睫毛膏，令雙眼更有神。	在臉頰兩旁掃上Peach colour胭脂。
在櫻唇上塗上閃亮唇彩，令雙唇閃爍潤澤。

對於今季的彩妝潮流，Rick Chin說：「今年嘅春夏其實可以話好無嘢，啡色、Natural colour、淡色，例如粉紅同Peach色，夏天有少少Tan嘅趨向。sell薄嘅Minerals粉底今年大熱，除咗可以造出自然嘅Tan look效果，對皮膚健康亦好好。」

揀粉底有貼士

Max Factor新推出的Natural Minerals Foundation就是他的心水推介：「記住上foundation前要保持臉部肌膚乾爽先可以推得均勻。由於Minerals會吸光，所以本身已經會發光，上完粉底之後就可以有埋Shading同Highlight效果。同埋因為粉底推開之後隻色係淺兩度，所以應該揀比自己膚色深兩度嘅粉底先啱。」

無論甚麼年紀都想時刻保持肌膚年輕嬌嫩，ORLANE的Creme Royale就蘊含純鮮蜂王漿的駐顏良方，及24K黃金的延緩衰老成分，極之矜貴，具強效抗皺功能，能促進細胞再生，緊緻肌膚，重拾青春活力。 $5,880	ACADEMIE的Eye Contour Cream含有薰衣草和迷迭香等天然成分，能刺激新陳代謝、排毒兼去水腫，促進血液循環，抗黑眼圈，令眼部幼嫩肌膚緊緻柔滑。 $418	擁有一雙迷人豐唇絕對能提升性感魅力，GATINEAU的3D Perfect Design Revolumising Lip Care的透明質酸，高度補濕，薰衣草精華和維他命E則除細紋防脫皮，令雙唇時刻柔滑潤澤。$512
Masterpiece增長睫毛膏 $108 MasterpieceMAX豐盈睫毛膏 $118

Ella最愛睫毛孖膏

營造迷人電眼，又怎少得又長又濃密的眼睫毛？Rick Chin就十分鍾情Max Factor的Masterpiece增長及豐盈這兩支睫毛膏：「Mascara可以話係眼妝最靈魂嘅嘢，可以令成個妝更神采飛揚。」

至於經常由Rick Chin化妝的官恩娜（Ella）亦說：「Rick Chin介紹咗我用呢兩支Mascara之後，自己就好鍾意用，一支可以令眼睫毛增長70%，另一支就濃密豐盈400%，兩支一齊用，出嚟嘅效果好靚！最緊要係塗抹、補妝多次都唔會起曱甴腳，根根分明，仲防油，唔怕會有熊貓眼。」

Rick Chin化妝網站：www.wer.asia

採訪：張嘉敏

攝影：馬永堅

化妝：Rick Chin

示範：Waiman Chan（Style International Management）