甄子丹憑電影《葉問》首度獲提名金像獎最佳男主角，身為妻子的汪詩詩當晚亦會陪伴丈夫出席，為他打氣。為隆重其事，她前晚特地到本地時裝設計師丘雪祺（Cecilia）的店中，先後試了三套戰衣，更於月前努力積極減肥，務求以最佳狀態赴會。
詩詩說：「Cecilia成日都贊助我出Event嘅衫，我哋自己香港啲Designer嘅設計咁好，所以我揀嚟着，支持下。我兩個月前仲擔心唔夠fit，着唔落啲衫，今次OK喇！我減肥嘅方法係夜晚七點後唔再食嘢，晚餐亦唔可以有澱粉質，依家已經唔使再減。我冇睇幾多磅，唔想畀壓力自己，但係可以着得番晒以前啲衫。（老公有冇讚你身材fit晒？）呢排佢喺上海拍戲，今次等佢返嚟時見到就應該會覺喇！」
