趙金卿最近在印度發展酒店業，與當地一位朋友合資把一座王宮改建成酒店，投資更高達過億元。前晚她出席高級珠寶品牌Chaumet的酒會時透露這項計劃，其他嘉賓還有鄭詩韻、邱李茂琪和葉梁美蘭等。
趙金卿表示：「呢個係一個長遠嘅投資，要花幾多錢仲未知，我哋主要係重新裝修過入面同埋趕走啲老鼠。當地好多老鼠，啲人唔會殺動物，就用拖鞋掟走佢哋，所以我第時都要着日本拖鞋，隨時準備除嚟掟老鼠。（預計酒店幾時完成？）希望年幾之後。（擔唔擔心經濟唔好有影響？）唔擔心，因為嗰邊無五星級酒店，就算千幾蚊一晚嘅酒店都爆晒，有好大需求。」她又大讚當地多靚仔，不過沒有艷遇，去年竟有相士指她會再婚。
