樓市小陽春今年提早在農曆新年前出現，買樓當然是開心事，若然已經遇到心儀單位正準備落訂，今日想提提大家在落訂前要注意的事項。
首先，筍盤的確是手快有手慢無，為免錯過心儀單位，連追幾口價並不出奇，要記得先問一問銀行估價，以免過分進取，追價追到遠超銀行估價。一般來說，成交價與銀行估價上下差距不多於10%，才是銀行做按揭時可以接受的水平。如高出太多，銀行或未能批出足額按揭，低估價太多銀行會懷疑單位會否有一些潛在未知問題。
因此，若有目標屋苑最好預先在網上就不同坐向單位查一查初步估價，鎖定目標，再致電銀行或找專業人士幫忙提供最新最貼市估價，便買得放心。
此外，樓市暢旺，加上連續多天的公眾假期，銀行審批過程有機會需時較長。留意4月初也有一個長假期，若於近日簽約，預留較長的成交期會較為穩妥。即使只是想做預先評估，都記得要預留多一點時間，或找專業人士幫忙，便不用擔心審批時間過長而錯過心儀單位。
最後再祝大家牛年升級做業主，有樓的朋友今年成功樓換樓，股樓皆旺。
利嘉閣按揭代理董事總經理 黃詠欣