大市回落 考驗好友信心
而尋日一支大陰燭打落嚟，破壞晒早前的升軌，但就重回10天線附近，對於早前一路想博反彈而又未入貨的缸邊友，可能係一個入市機會，但若然跌穿埋20天及50天線所在的24,000點，就要考慮減一減磅。
個股方面，本月初股價重返高位的安踏體育（02020），係內地的運動服裝及波鞋龍頭，一向有資金追捧所以跑贏大市。尋日雖然急挫近4%收報71.25元，但仲未破壞三月十九日以來的升軌，短期內守穩70元水平，後市仍然可期。另外，該股早前多次下試20天線，股價都隨即回升，建議可於20天線71元小注入市，短線上望80元，向下跌穿50天線65元止蝕。
古勝