新冠肺炎爆發咗咁耐，唔少行業都受影響，絲絲聽聞坊間嘅電子產品例如電腦、手機銷情就影響唔大。因為打工仔在家工作愈嚟愈普遍，全屋得一部電腦又邊夠用？
聯想集團（00992）董事長楊元慶都慶幸行業暫時未出現斷崖式下跌，但係提醒員工要做好最艱苦嘅準備！
同以前唔同，聯想首次舉行線上全球誓師大會。楊元慶為集團新財年定下目標，包括進一步鞏固個人電腦業務嘅全球冠軍地位、數據中心業務增長要高於市場20個百分點以上、軟件同服務業務總體營業額年增長20%以上。
嘩！咁樣形勢下，似乎楊官仲有好遠大嘅目標喎，證明行業表現唔差。佢表明，行業遭受嘅衝擊唔係最嚴重，但企業所面臨嘅不確定性複雜，危機幾時解除，最終取決於疫苗幾時能夠面世。
余絲韻