拓展網購 減租金支出
絲絲聽聞，佢哋嘅網購係用通訊軟件落單，因為方便。職員直頭化身KOL（關鍵意見領袖），喺社交平台度做埋Live。事關有時買新玩具，都想問吓呢樣問吓嗰樣，可以順手做埋客戶服務慳人手，仲可以介紹產品添。
其實網上買嘢都唔係咩新鮮事，公司喺中國內地業務早幾年已經喺第三方平台上開設網店，香港業務一直靠實體店，今次算係疫市下一大進步。開拓咗香港網購，公司長遠會加強業務數碼化，希望網上購物平台成為香港業務重要一環，同時減少租金支出。
計絲絲話，今次疫市下，各大零售商要諗計點樣突圍啦！
余絲韻