話說中國天然氣集團（00931）早前發出通告，話林雨洋已辭任公司執行董事及公司秘書。講真，上市公司高層跳船，又或者金融圈人事變動好平常，上市公司一般唔會再深入解釋。
主席接手兼任公司秘書
不過，公司近日又出咗一份補充公告，指該高層停止該公司工作的原因，是因為「他找到了一份薪金更高的工作」，上市公司咁坦白解釋高層辭任原因，又比較少見。而且接替做公司秘書嘅，竟然係現任主席簡志堅，再一次估佢唔到喎！
講開又講，喺呢個逆境下有份穩定嘅工作，已經唔簡單，成功跳槽，仲有人工加，真係令人羨慕！各位姊妹唔好氣餒，喺暗淡嘅市況下一樣可以搵到筍工！又或者諗吓做秘書妹？話唔定第日可以「兼任」主席！
余絲韻