昨日介紹咗幾位日本寫真界同AV界肖鼠女神後，今日繼續唔好停。呢幾位鼠美人論吸睛度絕對可以列為業界頂級女優，佢哋更不約而同將魅力發揮，演出態度積極，動作靈巧，真係好吸引呀！
都丸紗也華可以話係近年喺藝能界發展得最順利嘅寫真女優之一，咁又係嘅，阿妹又靚女又好身材，青春活力，絕對係成為人氣演員嘅好材料！而喺藝能界累積咗唔少豐富經驗，演出電影包括《絕叫學級》、《你們這些家伙真麻煩！》等等。最近，紗也華喺寫真界亦冇放鬆，最近就推出咗第二本寫真集《Mee Tomaru》，當中佢更加挑戰個人露出極限，大家唔好錯過喇！
出生日期：1996年9月26日
身 高：157cm
三 圍：35F-24-33
絕色美人友田彩也香可以話係日本AV界中懾人魔力最強嘅女優，但係Prestige嘅專屬女優愛音麻里亞一樣唔弱，同樣擁有足以令男人甘願被征服嘅魔性魅力，身材高挑又火辣，肌膚仲非常嫩滑添！喺上年年中，有見好姊妹吉川蓮引退，令佢亦萌生退意，喺社交網發表引退消息。但係冇幾耐之後又話要繼續喺AV界打拚，希望阿妹唔好咁快引退，專心拍多啲精彩作品畀大家睇啦！
出生日期：1996年2月22日
身 高：165 cm
三 圍：34E-23-35
身材火辣誘人嘅橋本愛實，兼備成熟風韻，加上風情萬種，絕對係繼壇蜜之後，最能夠深深吸引男人嘅寫真女王，更有「國民第一情婦」之稱！雖然佢喺寫真演出極盡性感同挑逗性，但係一旦收起性感又能夠成功入屋，家陣佢集中火力喺電視界發展。最近佢推出寫真集《橋本マナミの抱きしめてinハワイ》，大家記得要珍藏，因為上年年尾愛實同醫生男友拉埋天窗，並表示從寫真界畢業，所以呢本寫真集極有可能係佢最後作品！
出生日期：1984年8月8日
身 高：168 cm
三 圍：34G-23-35
撰文：賢