理財Campus：親子Board Game理財唔兒戲

角色扮演啱破冰

「Board Game大格鬥」嘅拜年概念咁新穎，難怪小朋友們都願意坐足整個下午，玩得樂而忘返。六位小朋友初次見面，兩個角色扮演的Board Game就成為了最佳之破冰遊戲。財金爸爸媽媽們從旁觀察提點，同時向孩子們傳授理財投資心法。

兩個角色扮演的Board Game為卡卡頌（Carcassonne）及矮人礦坑（Saboteur）。在卡卡頌遊戲中，玩家飾演中古世紀領主，和其他領主競爭道路、城堡、修道院及農田，以使他們在卡卡頌土地擁有最大勢力。

短期講策略 長線考眼光

國農證券董事總經理林家亨的兒子Jaeden及女兒Hailey精叻醒目，短時間內便能掌握玩法。Hailey採用短線策略霸佔城堡搶分，而每一城堡板塊都有兩倍分數進帳，所以分數快速擴大。

Jaeden則選擇分散投資在農田及城堡，霸佔農田的棋子不能在中途抽走，分數要待遊戲結束時一併計算，屬於長線投資，考驗玩家的耐性及眼光。在遊戲中，Jaeden無懼分數持續落後其他對手，最後靠農田的潛在高價值反敗為勝。

然而，運用短線或長線投資均沒有對錯，勝負取決於眼光及運氣。林家亨不時在生活細節上給小朋友滲透投資時間觀念，「例如一盒朱古力攤長啲食，咪可以歎耐啲。好似啲錢慢慢用，咪可以用耐啲。」

而另一個Board Game為矮人礦坑，其意思是指破壞者。遊戲中，玩家要扮演一群挖金礦的矮人，但其中有些壞矮人心懷不軌想搞破壞，所以矮人在挖金礦的同時，要找出誰是壞矮人並癱瘓他。

證券分析員譚朗蔚兒子Kayton非常投入遊戲，並表現出運動家精神。他勇敢假設，大膽嘗試，試圖將壞矮人一網打盡。有次，他「點錯相」封鎖了無辜的盟友時，只好承認錯誤，並設法補救。此外，他會不時檢視自己的目標，即黃金卡的位置，帶領盟友一同完成任務。

被Kayton「點錯相」的是瑞萬通博香港上市產品銷售部主管翁世權兒子Trevor，他無法前進，但仍沉着應戰。法興證券上市產品銷售部副總裁蔡秀虹及譚朗蔚誇獎他具高逆境商數（AQ）。

分清「想要」及「需要」概念

在日常生活上，蔡秀虹很有部署，教五歲兒子Enoch儲蓄。她指，「我每日都會畀一蚊佢放入錢罌。佢遇到好鍾意嘅玩具，我就會問佢幾多錢，同埋要儲幾多日先夠錢買，等佢學認數字兼學會物價平貴嘅概念。」但她笑言，兒子尚未能掌握「想要」及「需要」的理財概念，在他的世界裏，糖果及玩具都是必需的。

至於譚朗蔚會透過日常生活習慣，如儲零用錢、用八達通錶、儲印花及去旅行消費，灌輸正確的理財概念。他亦會在家中進行模擬打工遊戲，請小朋友分擔家務，例如洗碗、清潔等，然後由爸爸媽媽利用假錢發放薪酬，小朋友再用薪酬購買心儀禮物或支付外出開支。

翁世權同樣重視身教，他笑指，「同囝囝出街食飯時，我有時會叫佢估吓埋單幾錢，等佢唔好食米唔知米貴。」他並重點教導兒子以下三個理財小知識：第一，學會儲錢；第二，學會量入為出，購物時分清「想要」或「需要」；第三，學會分辨物價的平與貴。

多數父母都會將孩子的利是錢存入銀行，但翁世權就教Trevor分散投資。他說，「部分擺喺我度，我會擔任銀行角色，然後用紙充當存摺簿記錄帳目，但當然都會象徵式抽番少少交稅，當幫補爹哋媽咪嘅利是支出。

剩餘嘅利是錢會畀Trevor當零用錢，畀佢自己用或者買禮物畀朋友。」此外，翁世權正幫兒子供一份儲蓄人壽保險，待他十八歲時全數提取。

買入股債滾大利是錢

此外，林家亨會用孩子利是錢再投資滾大。他說，「去年將利是錢All-in債券，今年由媽媽操盤買股票，但輸錢我墊底，贏錢入仔女袋，佢哋好着數。」他公開今年六大心水股，包括阿里巴巴（09988）、友邦保險（01299）、香港交易所（00388）、小米集團（01810）、中國電力（02380），以及醫藥股。

他建議投資者可以在康寧傑瑞製藥（09966）及中國生物製藥（01177）中二選一，相信其太太入市前會參考吓。