絲絲講場：股神送禮講心又講金

揀價值1萬美元股票

答案就係價值1萬美元（約7.8萬港元）嘅股票，通常係股神當時睇好兼入咗貨嘅股票！佢仲會附上一封信，寫明可以揀賣咗啲股票套現，亦可選擇繼續持有。

曾經係股神嘅「新抱仔」Mary Buffett近日透露，自己當年就選擇將股票保留，再吼機會掃入更多，因為佢相信股神眼光，覺得啲股價之後肯定會大升。

但原來股神最初聖誕唔係送股票，而係向每位屋企人現兜兜送1萬美元現金，不過Mary話「一返到屋企，我哋就即刻使晒佢！」於是股神之後轉而送股票。

其實除咗現金或股票外，為食嘅巴菲特聖誕亦會送糖畀親友，通常係佢至愛嘅See's Candies！

有樣禮物，只有佢嘅女性親友先會收到！聽講股神以前聖誕前，就會去服裝店，遞上佢家姐、老婆、女助手等嘅尺碼，然後店員會拉一架架嘅連身裙展架出嚟畀佢揀嚟做禮物！不過已經係上世紀60年代嘅事！

講開又講，巴菲特嘅投資旗艦巴郡剛宣布，投資經理庫姆斯將兼任旗下美國第二大汽車保險商Geico嘅行政總裁。庫姆斯投身對沖基金業前，曾於Geico競爭對手Progressive Corp任職咗幾年。

余絲韻