絲絲講場：微軟四天工作提升產力

電量紙量支出大減

話說微軟八月於日本試行一周只開四日工，即係全體2,300名員工由周五起到周日，每星期連休三日。試咗一個月，立即見到以每名員工平均銷售額來量度嘅生產力，躍增39.9%！同時公司支出亦大見降低，用電量慳咗23.1%，印紙量更加大減58.7%！

生產力激升，亦多得公司嘅新規矩，將每次開會時間限制於半小時內，同埋多咗以遙距方式開會。

呢個新政策，公司既慳到錢兼提高生產力，仲有92.1%員工話Like爆，絕對係Win-win。聽講微軟日本仲有下一步，嚟緊冬天會鼓勵彈性工作時間添！唔知呢股風，幾時先吹得到嚟香港！