信外資唔吼內地公司
據福萊國際最新發布嘅《中國資產管理的未來》報告，內地投資者選擇基金經理時，最強調嘅係資產管理公司嘅品牌信譽，74%受訪者認為品牌係最重要，最睇重基金表現嘅只得64%。
當中有69%人選擇外商獨資企業同合資企業，而唔吼內地本土資產管理公司嘅產品，理由係信國際品牌多啲。
至於購買基金最受歡迎嘅渠道，內地網購咁發達，肯定連基金都最多揀網上買？估錯，網上買只係第二受歡迎，得76%人揀；內地投資者至Like都係搵獨立財務顧問與中介人，有成88%。
留意番，受訪者全部係做投資、金融或銀行業！原來內地投資專業係咁睇嘅！
余絲韻