華懋集團搞埋舊燈泡回收？！冇錯，但唔係做生意，而係搞慈善Crossover藝術。
話說，佢哋會舉辦一個大型聖誕公共藝術項目「光藝共享」，頭炮就係全城燈泡回收行動。佢哋會於旗下屋苑、酒店同商場回收舊燈泡或舊光管，為期三個月，目標係回收5萬件。
每收一件，華懋就會捐出10蚊予指定慈善組織，去為有需要嘅長者改善家居照明。換言之，若目標達到，可以有50萬元。
回收返嚟嘅燈泡同光管，會由香港建築師陳麗喬夥拍一班年輕藝術家用來Upcycle，創作成為一系列藝術品，作為公共藝術裝置。聽講，啲藝術品仲會結合埋LED燈效果，今個聖誕將會連結荃灣如心廣場嘅楊屋道天橋變成條銀河。
恕絲絲多口講句，唔該留意番，人家係回收「舊」燈泡光管，大家應該分到「舊」同「壞」、「捐」同「掉」嘅分別。
余絲韻