中美談判有進展，中港兩地股市自然來個順水推舟。港股全日高位見26,636點，即市未見大幅回調，收報26,521點收市，全日升213點，成交903億元，表現比想像中好。
走勢上，恒指能重上50日線，乃九月中旬以來的強勢，短線若能企穩26,500點樓上，往上幾個阻力位分別在26,800、27,000及27,300點；若轉在26,500點整固待變，則暫且走不出25,500至26,500點的波幅區。
滙豐控股（00005）股價好不容易一度重上60元關，曾高見60.35元，收報59.95元，升1.7%。不過，昨日升幅成交未配合，故暫只看成反彈浪，睇圖短線向上64至65元阻力甚大。只是短期市場憧憬英國脫歐會有好消息，淡友且別急於加淡倉，待上試相關阻力位再作部署。
上周五股價急挫的藍籌股石藥集團（01093），股價反彈4%。其實上周五除咗因為石藥有產品獲納浙江省藥物監控名單目錄之外，部分沽壓亦源於有春江鴨大戶沽出早前強勢的藥股套現，追入內房股。故見短線震盪過後股價迅即回穩反彈，而投行普遍反映政策消息的負面影響有限，中長線可繼續持有。
有缸邊友問，嚟緊中國要開放金融業引入外資競爭，到底仲好唔好揸住中資金融股？雖然市場開放意味個餅會愈做愈大，商機可觀，但最擔心的是中國金融企業無法應付來自外資的競爭，經營會備受考驗。筆者唔敢講呢個想法係杞人憂天，但相信即使係有，相關影響須要較中長期才會顯現。短線在人民幣轉強之下，可以為內銀股估值帶來支持，所以若果係收開息的，唔爭在等收埋下期股息再算。
古勝