渣打銀行研究顯示，香港35至59歲嘅富裕消費者中，僅63%已開展籌劃退休，低於中、港、馬來西亞、新加坡及台灣共五個地區平均值67%；仲只有36%港人自覺財務計劃符合進度，足以理想退休，比率於五地區中最低。
調查內嘅香港「富裕消費者」，平均月入5.33萬元、資產約276萬元。佢哋話，「不利的環球金融氣候」、「缺乏可產生足夠回報的投資機會」及「缺乏財務知識」係策劃退休嘅三大挑戰。
至於自認已為退休做好準備嘅受訪者中，75%有投資於股票、債券及單位信託基金，49%有為政府嘅退休儲蓄計劃作額外供款，41%有購買退休保險計劃。
既然有籌劃，點解仲有近六成半香港人仍覺難以實現理想退休生活模式？恕絲絲直接講，皆因計劃夠宏大，不過離地。
余絲韻