絲絲講場：8萬蚊身家上到富豪榜？

如果你使來使去面嗰浸後，至少會剩番嗰筆私己錢多過1,000美元（約7,800港元），就已富裕過全球15億人！

已贏全球九成人

條數係咁計，全球約有50億個成年人，而最少有7,800港元嘅人佔約17億個，加上最底層嘅15億個，就係全球近64%成年人。換言之，全球有64%成年人「使唔晒嘅身家」僅區區7,800港元，所以閣下如果有近1萬蚊私己錢，已好唔錯！

接住嗰級係有1萬美元（約7.8萬港元），總共有13億人。若計及之前嘅15億及17億人，即是全球90%成年人嘅流動資金係7.8萬元或以下……

若閣下再超過上述數額，擁有10萬美元（約78萬港元），全球共有4.36億人，就已屬全球「最頂層嗰一成」有錢人！

再往上嘅排名，大家或者興趣唔大，但叫得個知字，就係全球最有錢、排名最高嘅只有兩個人：就係微軟創辦人蓋茨同亞馬遜創辦人貝索斯。至於絲絲屬於邊個級數？包你估唔到。

余絲韻